قالت الفنانة نوران ماجد إن تغير سلوك شريك حياتها نحو الاهتمام بنفسه بشكل مفاجئ سيثير لديها الريبة والشك، موضحة أن أي تغيير مفاجئ في السلوك يثير التساؤلات ويستدعي الانتباه.
مراقبة هادئة دون مواجهة مباشرة
وأضافت نوران ماجد خلال استضافتها في برنامج «ست ستات» المذاع على قناة «dmc»: «أكيد هشك، لأنه مكنش بيحصل وبقى بيحصل فجأة، فطبعاً هسأل نفسي إيه اللي اتغير، لكن مش هتصرف بشكل مباشر، يعني مش هواجهه بطريقة صريحة وأقوله ليه بتتشيك كده، لأ، هتابع الموضوع بشكل أذكى».
وأوضحت أنها قد تلجأ إلى معرفة أماكن تواجده بشكل غير مباشر، قائلة: «هشوف هو فين، وأخد صحابي ونروح نفس المكان اللي رايحه، من غير ما أحسسه إني بدور عليه».
ردود فعل الحضور
وخلال اللقاء علق أحد الحضور مازحًا: «إديهم أفكار شوية»، لترد الإعلامية شريهان أبوالحسن: «أيوة والنبي إدينا شوية أفكار». واستكملت الفنانة حديثها قائلة: «هتعامل بهدوء، ومش هخليه يحس إني بدور، هقول له مثلاً إني خرجت أنا وصحابي لنفس المكان، عشان أبقى موجودة من غير ما أثير أي مشكلة».
رفض التصعيد وتفضيل الهدوء
وعن إمكانية تصعيد الموقف إلى خلاف، شددت نوران ماجد على أنها لا تميل إلى الصدام، قائلة: «طبعاً مش هعمل خناقة، خناقة ليه؟ أنا أصلاً معنديش دليل على حاجة عشان أتصرف بشكل عدائي».
