دافع إبراهيم سعيد، نجم الأهلي ومنتخب مصر السابق، عن حسن شحاتة، المدير الفني الأسبق لمنتخب مصر وأسطورة نادي الزمالك، وذلك بعد الهجوم الشرس الذي تعرض له مؤخرًا.
دفاع إبراهيم سعيد عن حسن شحاتة
كتب إبراهيم سعيد عبر حسابه الرسمي على موقع فيسبوك: "يا جماعة، ده الأسطورة الحقيقية وتاريخ لنادي الزمالك والمنتخب المصري. كان أي حد يتمنى يقابله ويتكلم معاه. اسمه الكابتن حسن شحاتة. إحنا عرفنا الكرة والمتعة عن طريقه هو والكابتن محمود الخطيب. اختلف معاه، لكن عيب التقليل أو الغلط فيه. ده رمز كبير جدًا في تاريخ كرة القدم. وكمان هو اتكلم عن لاعب عادي، وبتفق معاه في كلامه. كمان ده الكابتن حسن شحاتة اللي بيتكلم ويقيم.. فاهمين؟ طول العمر ليك يا كابتن، ودايمًا نستفيد ونتعلم منك يا معلم".
تصريحات حسن شحاتة عن بيزيرا
كان حسن شحاتة قد صرح خلال حواره التلفزيوني على قناة النهار مع الإعلامي أحمد حسام ميدو قائلاً: "بيزيرا بيضحك علينا لأنه عمري ما شوفت لاعب بيعيط وهو في وقت من الأوقات ظهر وهو بيعيط". وأضاف: "بيزيرا لاعب كويس لكن أنت مش محتاج إنك تعيط عشان تجذب الجماهير ليك أو عشان يقولوا عليك لاعب كويس"، موضحاً: "بيزيرا لاعب كويس وبيلعب بشكل كويس جداً لكن عدم وجود لعيبة مميزة في المركز ده خلاه يظهر بشكل أكبر".
