أحمد سليمان: المنافسة لم تعد بين الأهلي والزمالك فقط.. بيراميدز طرف جديد

علق أحمد سليمان، عضو مجلس إدارة نادي الزمالك، على فوز الفريق الأبيض على نظيره بيراميدز بهدف نظيف في المباراة التي جمعتهما مؤخراً.

تصريحات أحمد سليمان

وقال سليمان خلال مداخلة هاتفية في برنامج "اللعيب" على قناة إم بي سي مصر: "كان زمان المنافسة بين الزمالك والأهلي، لكن دلوقتي بقى فيه بيراميدز في المنافسة معاهم".

وأضاف: "أمس أعجبني كلام الدكتور كمال درويش معاك في البرنامج، والزمالك بيكسب بيراميدز لأن بيراميدز كله زمالك، في 6 لعيبة كانوا في الزمالك مع بيراميدز، وبيراميدز بقى أزمة للأهلي لازم نقتنع بكده".

—

حديث عن وسام أبو علي

وتابع سليمان قائلاً: "ما وسام أبو علي ضيع فرص قدام الزمالك في السوبر الأفريقي يا كابتن إكرامي، هل في حاجة اسمها كده؟".

أخلاقيات اللاعبين

وأشار عضو مجلس إدارة الزمالك إلى أن "اللاعيبة اللي بتتربى في الزمالك لعيبة محترمة وأخلاقياتهم كويسة، وبتخلص للمكان اللي بتلعب فيه لما تنتقل له".

واختتم سليمان تصريحاته قائلاً: "اللاعيبة محترمة، بدليل إن محدش من لاعيبة بيراميدز علق على ماتش أمس، ممكن يعلقوا لو لعبوا مع حد تاني".