هنأ الإعلامي أحمد موسى، السيد الرئيس عبد الفتاح السيسي والشعب المصري، بمناسبة عيد الأضحى المبارك، قائلًا: "جموع ضيوف الرحمن على الصعيد الطاهر، واللي لم يحج هذه الأيام ربنا يكتب له الحج إن شاء الله".
أزمة ماكينات الصرف الآلي
وخلال تقديم برنامج "على مسئوليتي" المذاع على قناة صدى البلد، قال الإعلامي أحمد موسى: "الناس بتتكلم عن أزمة الـATM ووقوف المواطنين أمام ماكينات الصراف الآلي بسبب عدم وجود أموال نقدية، ومع إجازة البنوك غدًا، ماذا يفعل المواطن؟ هذه أزمة يجب أن يتدخل البنك المركزي والبنوك المصرية لحلها".
وأوضح: "هناك أيضًا عطل في بعض التطبيقات، وأنا أتحدث عن شكوى كبيرة وليست بسيطة، ودي مسؤولية مين؟ المواطن يسحب أموالًا بسبب العيد، والناس تعمل إيه؟ ولازم الموضوع ده يخلص النهارده مش بكره، والناس واقفة طوابير أمام الماكينات ومفيش فلوس، ودي مشكلة ليست بسيطة، لازم تشرحوا للناس إيه الحكاية".
وتابع: "أتمنى توضيحًا للرأي العام، وقبل التوضيح لازم نحل المشكلة وضخ أموال داخل الماكينات، ولازم نلحق لأن غدًا إجازة وحتى الأسبوع المقبل، والناس عندها التزامات وعيد، ولازم يكون فيه حل سريع وتدخل عاجل، ما ينفعش نسيب الناس كده، ده مش طالب قرض، وكان لازم يكون فيه توضيح للرأي العام من امبارح للنهارده".
