أحمد موسى يثني على الفوز التاريخي للمنتخب المصري
علق الإعلامي أحمد موسى على فوز المنتخب الوطني على نيوزيلندا بثلاثة أهداف مقابل هدف في الجولة الثانية من دور المجموعات ببطولة كأس العالم 2026، المقامة حاليا في الولايات المتحدة الأمريكية وكندا والمكسيك. وقال موسى خلال برنامج «على مسئوليتي» عبر قناة «صدى البلد»: «شكرًا رجالتنا، فرحونا وفرحوا العالم العربي كله، عاوزين من النهارده نوقف الاحتفالات، علشان المباراة القادمة أمام إيران، المباراة دي مهمة، لازم ندعي للمنتخب، زي ما صلينا اليوم الفجر ودعانا وربنا كرمنا».
وأكد موسى أن المنتخب فاز عن جدارة واستحقاق، مشيدًا بالجهاز الفني بقيادة الكابتن حسام حسن: «شكرًا يا كابتن حسام حسن، أول مرة نفوز في مباراة بكأس العالم، المنتخب الوطني فاز عن جدارة واستحقاق، أي كلام لينا يكون عن الشوط الثاني فقط، الشوط الأول كان حاجة والشوط التانية كان حاجة تانية، منعرفش إيه اللي حصل بين الشوطين».
محمد صلاح نجم عالمي في المونديال
وتطرق موسى إلى أداء النجم محمد صلاح، قائلاً: «محمد صلاح عالمي، ليه محمد صلاح عالمي زيه زي ميسي وكريستيانو؟، علشان بيستغل أنصاف الفرص، لمسة والتانية حط جون، أي وقت يكون محمد صلاح في المكان اللي بيحبه هتلاقي هدف». وأشار إلى قوة المنتخب النيوزيلندي: «لاعيبة منتخب نيوزيلندا طوال جدًا، طوال زي النخل، بنلاعب نخل، الجون اللي جه فينا اللاعب بتاع نيوزيلندا طلع ارتفاع عالي وحطها جون».
فرص الصعود ودعم الجماهير
وأوضح موسى أن مصر صعدت لدور الـ32 من بطولة كأس العالم بنسبة 97%، مشددًا على أهمية مباراة إيران لتصدر المجموعة: «مباراة إيران مهمة جدًا علشان نصعد كأول المجموعة، الكابتن حسام حسن والرجالة مهمتهم أننا نتصدر المجموعة». وأضاف: «في منتخبات هتصعد كأفضل توالت في ترتيب المجموعات، ولكن هيصطدموا مع منتخبات تتصدر ترتيب المجموعات، اللي جاي صعب يا كابتن، ولازم نستغل كل الفرص، نلعب لعبنا قدام إيران، دول منتخب قوي جدًا، وقدموا مباراة كبيرة، وشطارة كابتن حسام حسن، إنه بيتعامل كل مباراة بمفردها».
الجماهير المصرية في كندا تساند المنتخب
وأشاد موسى بدعم الجماهير: «التركيز مع المنتخب والمساندة ليهم، ونشكر كل الجماهير التي تؤازر المنتخب الوطني، منتخب مصر كأنه بيلعب في القاهرة، شوارع كندا كلها مصريين، كمان في أجانب بيشجعوا مصر، وبعد المباراة محمد صلاح واللاعيبة نزلوا رقصوا مع الجماهير في الشارع». كما وجه نصيحة للاعب أحمد سيد «زيزو»: «مصر كان ممكن تخلص الشوط التاني 5 أو 4 أهداف، زيزو كان هيدخل التاريخ، أنت رقصت الجون، والمرمى فاضى شوط على طول، إنت عاوز ترقص الشبكة، شوط يا زيزو في الجون، مش لازم ترجع تاني وتشوطها في الحارس، إنت كنت هتدخل التاريخ لو سجلت الهدف ده يا زيزو».
