علق الإعلامي أحمد شوبير، حارس مرمى الأهلي ومنتخب مصر السابق، على اختفاء الحديث في الفترة الأخيرة عن أزمة أرض نادي الزمالك وسحبها، مشيراً إلى أن القضية كانت مجرد شماعة للتغطية على الأداء الرياضي.
تصريحات شوبير حول أرض الزمالك
وقال شوبير في تصريحات إذاعية: "عايز أقول كلمتين مهمين قوي، فاكرين لما كله قعد يقول لك الأرض وأرض الزمالك ومشكلة الأرض؟ لما الفريق مشي كويس ووصل نهائي كأس الكونفدرالية الأفريقية وأصبح متصدر بطولة الدوري، محدش بقى بيجيب سيرة الأرض خالص".
تفسير اختفاء الأزمة
وأضاف شوبير: "كنت دائماً بقول إن القصة مش قصة أرض، القصة ازاي تكسب وازاي تفوز، وحصل اللي كنت بقوله، ساعات واحد بيمسك شماعة ويتشعبط فيها ويفضل يتكلم، لكن دلوقتي انتصارات الزمالك واقتراب الزمالك من الفوز بلقبين نهى كل شيء".
واختتم شوبير حديثه قائلاً: "رأي حضرتك أيه دلوقتي بقه؟ الأرض ملهاش علاقة خالص باللي كان بيحصل، لكن القصة ليها علاقة بجمهور بيحب النادي ومجلس إدارة بيدير في الوقت المناسب وهكذا".
