علق الإعلامي أحمد موسى على القبض على صبري نخنوخ، قائلاً: "الخلاصة في ليلة سقوط صبري نخنوخ، رسالة لكل من تسول له نفسه أنه لا تهاون مع أي شخص مهما بلغت شبكة علاقاته أو محاولة إيهام الناس بنفوذه".
تفاصيل الواقعة
قال أحمد موسى في برنامجه "على مسئوليتي" المذاع على قناة "صدى البلد": "14 أو 15 شخصاً كانوا مع صبري نخنوخ في الواقعة، ولا يمكن أن تتكرر تلك المشاهد في مصر. حد يعمل كده حتى لو ليك حق متعملش كده. لو لوحدك أو معاك واحد لكن مش 14 أو 15 واحد معاك".
رسالة الحكومة
وتابع أحمد موسى: "ليه نعمل رعب للناس؟ الدولة فيها أمن واستقرار ولا أحد فوق القانون ولن يكون. وزارة الداخلية تحركت بقوة، وبحي الكاتب الصحفي محمود سعد الدين رئيس تحرير موقع بصراحة اللي نشر فيديو قبل الواقعة لصبري نخنوخ".
الإشادة بوزير الداخلية
وأكمل أحمد موسى: "كل التحية للواء محمود توفيق وزير الداخلية ورجال الشرطة. المشهد ده لا يتكرر، كل واحد يحترم نفسه أو يلم نفسه. لن يتكرر هذا المشهد في أي مكان في الـ 27 محافظة. اللي هيعمل زي كده هيتلم. أنتوا بتهزروا ولا إيه؟ ده كان في تنظيم إرهابي وتم القضاء عليه. مش هنتكلم عن شوية ناس مش عارف بيعملوا إيه، كل واحد يلم نفسه. مفيش فوضى أو سطو".
رسالة لكل من يحاول التعدي
وتابع: "ألاقي واحد داخل الفرح ومعاه 20 واحد، أنت مين أصلاً؟ ليه تعمل كده؟ حان الوقت ألا يحدث ذلك الأمر. كل واحد يلم نفسه. مفيش بلطجة وفوضى. أنت مين أصلاً؟ الشعب مبسوط، الرأي فرحان جداً".
