تحدثت الفنانة يسرا اللوزي عن علاقتها بابنتيها وكيف تتعامل معهما، خلال لقائها مع الإعلامي أحمد سالم في برنامج "كلمة أخيرة" عبر قناة ON. أوضحت يسرا أنها تحاول تعليم بناتها كيفية التعاطف معها من خلال إظهار ضعفها أمامهن.
إظهار الضعف أمام الأبناء
قالت يسرا اللوزي: "بحاول أعلمهم إزاي يحسوا بيا، بحاول أوريهم ضعفي يشوفني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية. بدأوا مؤخرًا يفهموا أنهم يدوني مساحة، لأن في وش تاني بيظهر غصب عنك، الوش ده فيه زعيق كتير.. الواحد لما يكون مش نايم ومتوتر ما بيكونش أحسن نسخة من نفسه وأنا مش عاوزة أوريهم النسخة دي فبقرر أني أبعد".
اكتساب الخبرة مع الزمن
أضافت يسرا اللوزي: "زمان مكانش عندي الخبرة دي، زمان كان غصب عني ممكن اتعصب ومش عاوزة يجيلهم تروما، أنا بفضل استحمل وبعدين افرقع، فرقعت قدامهم مرتين واتخضوا فاتكلمت مع الدكتورة بتاعتي قالت لي قبل ما توصلي المرحلة دي ابعدي، وارجعي لهم علشان يكون عندهم ذكريات كويسة". وأشارت إلى أن الجيل الحالي لديه وعي أكبر بكثير من الأجيال السابقة: "الجيل ده عنده وعي أكتر من جيلنا وإحنا صغيرين، الجيل ده بياخد باله من تفاصيل كتير، دلوقتي بنخاف نحور على العيال إحنا كنا بنصدق أي حاجة بتتقال".
التوازن بين العمل والأسرة
أكملت يسرا اللوزي: "أنا بحاول أعلم بناتي إزاي نعمل توازن في حياتنا، إزاي يشوفوا قدامهم حد مهتم بشغله وبيعمل حاجة بيحبها، وفي نفس الوقت بيقسم وقته ما بين الشغل والعيلة، وأنا بعمل ده، علشان يتعملوا أنه لازم يعملوا حاجة بيحبوها".
