كهربا: مسخر حياتي لأسرتي.. ووالدي رافقني للتدريبات سنين

أكد محمود كهربا، نجم النادي الأهلي السابق، أن أسرته كانت الداعم الأكبر له في مسيرته الكروية منذ بداياته، مشيراً إلى أن والديه تحملا معه الكثير من الصعوبات حتى وصل إلى الاحتراف والشهرة.

دور الأب في مسيرة كهربا

قال كهربا خلال ظهوره في بودكاست «ملعبنا»: «وأنا صغير والدي فضل سنين يوديني ويجيبني من تمرين الكورة، وأهلي ليهم دور كبير أوي في حياتي وساعدوني كتير». وأوضح أن والده كان يرافقه يومياً إلى التدريبات لسنوات طويلة.

أول عقد احترافي

أضاف لاعب الأهلي السابق: «أول ما وصلت 16 سنة وعملت أول عقد، خدت كل الفلوس وادتها لوالدي ووالدتي، وقلتلهم انتوا تعبتوا معايا كتير في حياتي.. اعملوا اللي انتوا عايزينه بالفلوس دي».

—

التزامه تجاه أسرته

تابع كهربا: «هما كل حاجة ليا، وبعمل كل حاجة ليهم وعشانهم، وأنا مسخر حياتي كلها لأبويا وأمي وأختي وأخويا، ولحد النهاردة رغم إن عندي 32 سنة، لكن برجع لهم في أي حاجة في حياتي».