خالد بيبو يكشف تفاصيل تغريم إمام عاشور مليون جنيه في الأهلي

فجر خالد بيبو، مدير الكرة السابق في النادي الأهلي، مفاجأة من العيار الثقيل حول تغريم إمام عاشور، نجم القلعة الحمراء، مليون جنيه.

تصريحات خالد بيبو

قال خالد بيبو في تصريحات خلال أحد اللقاءات في بودكاست عن تغريم إمام عاشور مليون جنيه فترة وجوده مديراً للكرة في النادي الأهلي: "الناس بتتعامل مع اللاعبين على إنهم ملايكة، وهما بشر بيغلطوا".

تابع خالد بيبو: "إمام عاشور غلط خلال فترة وجودي مديراً للكرة في النادي الأهلي وخرج عن النظام، وكان لازم يتعاقب".

—

المبدأ واضح

أضاف خالد بيبو: "المبدأ واضح: الغلط في العلن يبقى العقوبة في العلن، والغلط في غرف مغلقة يبقى العقوبة في غرف مغلقة، وعقوبته كانت على قد دخله واللائحة".

وقال خالد بيبو أيضاً: "إمام عاشور محتاج يكمل الـ 20% اللي فاضلين عشان يبقى شبه الأهلاوية 100%، لكنه لاعب كبير ومؤثر، ولما جه في أول موسم أخد أحسن لاعب في 16 ماتش".