رد الفنان محمد صبحي على الشائعات التي انتشرت خلال الساعات الماضية، والتي زعمت دخوله العناية المركزة، مؤكدًا أن كل ما تردد لا أساس له من الصحة.
محمد صبحي يوضح حقيقة دخوله العناية المركزة
نشر محمد صبحي مقطع فيديو عبر صفحته الرسمية على فيسبوك، قال فيه: «الصراحة اللي حصل ضايقني لأن في ناس كتير كانت عايزة تطمن عليا، وأنا مش مجبر أمسك الموبايل وأرد على كل واحد، ليه بتعملوا كده؟ بقت المسألة سخيفة في الزمن ده، وبقت مشكلة بين الفنانين والإعلاميين، وفي ناس همها تكسب تريند وخلاص».
ونفى الفنان الكبير ما تردد عن تدهور حالته الصحية، موضحًا أنه لم يدخل العناية المركزة كما أشيع، وقال: «أنا مش زي ما قالوا إني دخلت العناية المركزة، أنا روحت المستشفى من 40 يوم عشان أقابل الدكتور بتاعي، وأعمل تحاليل وفحوصات، وما قعدتش في المستشفى أكتر من ساعتين»، مطالبًا الجميع بتحري الدقة قبل نشر أي أخبار تتعلق بصحته.
محمد صبحي يوجه رسالة لمروجي الشائعات
واختتم محمد صبحي رسالته، قائلًا: «مفيش إنسان ما بيتعبش، ومفيش إنسان ما بيدخلش العناية المركزة، ومفيش إنسان ما بيموتش.. كلنا رايحين، بس استنوا لما أدخل العناية المركزة فعلًا، وساعتها اعملوا اللي انتوا عايزينه بعد ما تتأكدوا».
